I’r Dydd

Mae Trefn Gwasanaeth yn helpu i hysbysu gwesteion am drefn gronolegol y seremoni. Gall hyn gynnwys darlleniadau a geiriau emynau. Fel arfer bydd yn daflen A4 wedi ei blygu yn ei hanner i fod yn lyfryn A5.

Bydd Bwrdd Croeso fel arfer yn arwydd A1 yn eistedd ar îsl i groesawu eich gwesteion i'r lleoliad.

Efallai eich bod wedi cynnwys Trefn y Dydd ar eich gwefan, neu efallai eich bod eisiau arwydd ar y dydd i atgoffa eich gwesteion. Bydd fel arfer yn arwydd A1 neu gallwn weithio i unrhyw syniad sydd gennych.

Gall Gynllun Eistedd fod yn arwydd A1 neu yn dudalennau unigol i'w hongian neu eu harddangos, gyda thudalen i bob bwrdd.

I gyd-fynd gyda Chynllun Eistedd, bydd gan bob bwrdd gerdyn gyda rhif neu enw arno.

Gallaf ddylunio Place Names i gyd-fynd gyda thema yr eitemau papur eraill. Mae sawl gwahanol steil a phapurau y gallwn eu trafod. Gallwn gynnwys dewis bwyd ar rhain neu eu cadw’n draddodiadol gydag enwau yn unig.

Bydd rhai cyplau yn hoffi cael un neu ddwy fwydlen ar bob bwrdd er mwyn dangos yr opsiynau GF / DF ac i roi manylion y bwyd. Mae hyn yn gweithio'n wych os ydi'r bwyd mewn steil rhannu. Os yw eich gwesteion wedi dewis eu prydau, un opsiwn ydi cynnwys eu dewisiau ar y Place Names.

Os ydych yn chwilio am ambell arwydd papur i'r dydd, gallaf wneud rhain i chi. Gall fod yn arwydd ffôn Calleo, lle i adael anrhegion, arwydd i helpu eu hunan i flip flops neu greision, unrhyw beth sydd gennych mewn meddwl.

Mae cwpanau steil gŵyl neu Eisteddfod wedi dod yn boblogaidd y blynyddoedd diwethaf. Gallaf greu darlun unigryw sy'n cyfleu stori eich perthynas, neu ddarlun blodeuog i siwtio steil eich gwahoddiadau. Mae'n anrheg gwych i'r gwesteion gofio'r dydd. Mae pris creu’r darlun yn amrywio o £120 - £300 ac argraffu tua £300 ar ei ben.